ಸಮಾಜದಲ್ಲಿ ಖಿಲವಾಗುತ್ತಿರುವ ದೇಶಪ್ರೇಮ, ನೀತಿ, ನ್ಯಾಯಗಳನ್ನು ಚಿತ್ರಿಸುವ ಕಾದಂಬರಿ, ಸಮಾಜದಲ್ಲಿ ನೆಲೆಯಾಗಿರುವ ಭ್ರಷ್ಟಾಚಾರ, ಶೋಷಣೆ, ಅನೀತಿ, ಅವ್ಯವಹಾರಗಳ ಒಳಸುಳಿಗಳನ್ನು ಬಿಚ್ಚಿಡುತ್ತದೆ. ಸಮಾಜಘಾತಕ ಶಕ್ತಿಗಳನ್ನು ಬೆಳೆಸುವ ಜನರ ಹುನ್ನಾರ ಹಾಗೂ ಶಾಂತಿ ಕದಡುವ ಅಪಾಯಕಾರಿ ಶಕ್ತಿಗಳನ್ನು ಸೂಕ್ಷ್ಮವಾಗಿ ಮುಂದಿಡುತ್ತದೆ. ರಾಷ್ಟ್ರಧ್ವಜ ಹುಟ್ಟಿದ ದಿನವನ್ನು ನೆನಪಿಸುವ ಜುಲೈ ೨೨, ೧೯೪೭ ಶೀರ್ಷಿಕೆಯ ಈ ಕಾದಂಬರಿ ರಾಷ್ಟ್ರಧ್ವಜದ ಮಹತ್ವವನ್ನು ತಿಳಿಸುತ್ತಲೇ ಅದರ ಕೆಳಗಡೆ ಸ್ಥಾಯಿಯಾಗಿ ಇರಬೇಕಾದ ಸಾಂವಿಧಾನಿಕ ವಿಚಾರಗಳಿಗೆ ಹಾನಿಯಾಗುತ್ತಿರುವುದನ್ನು ತೆರೆದು ತೋರಿಸುತ್ತದೆ. ಜೊತೆಗೆ ಕೆಲವೇ ಜನರ ಹಟ, ಸಾಧನೆಗಳ ಕಾರಣವಾಗಿ ಸತ್ಯ, ನಿಷ್ಠೆಗಳಿಗೆ ಸಮಾಜದಲ್ಲಿ ಇನ್ನೂ ಅರ್ಥ ಉಳಿಸಿಕೊಳ್ಳಲು ಹೆಣಗಾಡುವವರ ಬದುಕು ದುರಂತವಾಗುವ ಆಘಾತಕಾರಿ ವಾಸ್ತವವನ್ನು ಕಾದಂಬರಿ ತೆರೆದಿಡುತ್ತದೆ